南韓搶W保出線希望

2019-06-12 09:59:10 来源:网络

調整心態撲擊尼日利亞
今晚早場A組尼日利亞女足同南韓女足相遇爭開勝門。南韓首戰面對超班兼有主場之利嘅法國,大敗無可厚非,其實「太極虎」整體質素唔曳,今仗一眾女將只要調整好心態,面對牌面稍弱嘅尼日利亞,可以贏波保持出線機會,客勝屬不二之選。(周三晚9時開賽)

南韓首戰面對法國明顯有啲怯場,隊長趙昭賢賽後都直言發揮失準:「見到球隊首戰表現唔出應有水準,我覺得好失望,不過我哋已經將失利拋諸腦後,集中精神應付嚟緊嘅小組賽事。」除咗呢位效力韋斯咸嘅中場外,車路士中場池笑然同神戶雌獅嘅「人氣王」李玟娥都喺國外聯賽搵食,南韓整體實力唔差得過一啲歐洲球隊。為擺脫上仗失利嘅陰霾,相信一班「太極虎」球員已經做好背水一戰嘅心理準備,第一步就係喺今晚取得小組首捷先。

超霸鷹患「恐亞症」
相比之下,尼日利亞整體質素無疑較低,實力唔夠都算,最麻煩係同男足一樣,球員戰術意識極為薄弱,經常各自為戰。上仗面對挪威就慘吞3蛋,令人失望。呢支非洲「超霸鷹」雖然喺過去7屆都成功打入世盃決賽周,不過有6次小組就畢業,近3次決賽周面對亞洲球隊仲輸晒,表現毫無說服力,今場都好難同南韓搶分,捧番客勝好過。

亚博体育app