熱刺飢渴大起般茅

2019-11-30 09:24:07 来源:网络

摩連奴接手後、表現回勇嘅熱刺,今晚喺主場迎戰般尼茅夫。熱刺聯賽加盃賽連贏2場,信心、狀態顯著回升,不過「寸王」回歸後似乎仲未執掂條防線,連續2場單場失2球,熱刺讓一球、球半上盤唔穩陣,轉捧中位數3/3.5球入球大更佳。

(Now 623周六晚11時直播)

寸王魅力激活球隊
「寸王」接手熱刺後,只用2場比賽已經盡顯功架,首場聯賽作客對韋斯咸改踢「4-2-3-1」陣式,重召防中艾歷迪亞,棄用基斯甸艾歷臣,結果喺一度領先3比0嘅絕對優勢下、有驚無險以3比2擊敗對手打響頭炮;然後上場歐聯主場鬥奧林比亞高斯早早落後2球,摩連奴當機立斷換入基斯甸艾歷臣,代替主守嘅艾歷迪亞加強進攻,結果連入4球反勝4比2,證明闊別一年嘅「寸王」喺調兵遣將方面完全冇生疏,「寸王」仲以佢嘅個人魅力激活咗整支球隊,就連場邊球童上場都交出「助攻」,充分反映熱刺上下唔只已重上正軌,仲有嗰份對勝利嘅飢渴感,今季餘下時間絕對唔可以睇少。

般尼茅夫聯賽連盃賽近8場僅1勝,當中4場作客輸3場,上場聯賽1比2輸畀狼隊,聯賽累積2連敗,士氣難與熱刺相比,而且般尼茅夫近4季聯賽作客熱刺加埋淨吞13蛋,想搶分唔容易,不過考慮到「寸王」一改以往保守作風,奧里亞、盧卡斯莫拉等攻強守弱嘅球員都獲得重用,間接令球隊頭重腳輕,連續2場失2球,熱刺讓一球、球半有機會贏波輸盤,中位數有3/3.5球,建議轉捧入球大。

亚博体育app